كلمات وانين من المصرى الحزين

مصر والشعب والحزين.. مش هقول إحنا مين.. إحنا إحنا المصريين.. الاسم فى
الحكم انضرب.. والفعل مش شعر وطرب.. ولا حتى درب من الغرور.. دا أنا قلبى
لما يوم يثور.. حقى لا يمكن يغتصب.. مش هقول إيه اللى كان.. لأن لسه لينا
جى.. وادى التاريخ.. ادى الزمان..

وادى قلب مصر بنبضه حى.. خدوا
السما.. خدوا النجوم.. خدوا القمر.. وسيبوا مصر.. وشوفوا فين هتلاقوا ضى..
يا أمة العرب الحزينة.. مين اللى غرق السفينة.. مين اللى دمر حلمنا.. دا
الحلم عربى.. إزاى عرب حطونا فى الصورة المهينة؟..

قادرين ومن
غير الكلام.. حقنا يرجع أوام.. والفرق واضح يا بشر.. ما بين الضعف
والاحترام.. سامحونى.. دا قلبى الحزين.. مهما تفوت عليه سنين.. إزاى هينسى
أن أخويا المسلم العربى القريب.. قال علىَّ إنى أنا بالنسبة ليه
كالمعتدين.. وأنا كل الحكاية.. وبكل اعتزاز ماقولتش أى حاجة.. غير إنى ابن
مصر.. فكسروا عليّا القزاز.. مبروك على الصهيونى.. مبروك على اللى
خانونى.. جرحونى وسبّونى.. لكن سابولى هدية.. خلوا كل مصرى يحس بالوطنية..
يحس بالوطنية.

إزاى بعد دا كله عايزنا نفضل عرب.. بعد ما اختى اتهانت بعد ما خويا انضرب.. عايزين نفضل نطبطب عاللى ضرب أهلنا؟..

نسيو
إزاى عشانهم نزفنا من دمنا.. وإزاى جبنا حقوقهم وجدودنا من قبلنا.. طب حتى
اسمع نشيدهم دا لحنه من عندنا.. عايزين نفضل نطبطب عاللى أهان أمنا؟..

يهود،
خنازير، كلاب، دا كلام قالوه عننا.. وإن إحنا شعب صهاينة وخونة طول
عمرنا.. دا إحنا عشان يعيشوا، مات كتير مننا.. عايزين نفضل نطبطب عاللى
استباح عرضنا؟..

إزاى نسيوا فرنسا يوم ما غزت أرضنا؟.. عشان كنا
معاهم بإيدينا وبقلبنا.. والحمد لله قاومنا والفضل دا لربنا.. إزاى بعد دا
كله عايزنا نفضل عرب.. بعد ما اختى اتهانت بعد ماخويا انضرب.. عايزين نفضل
نطبطب عاللى بقى عدونا؟..

وبقينا مش طايقين نشوف علمهم هنا.. أيوه خلاص يا مصرى، البربر مش أهلنا.. أيوه خلاص يا بلدى، الجزاير مش أختنا!

كلماتك رائعه جداً ووصفك متميز
مهم قلت مش هقدر أوصف مدى أعجابي بكلماتك الرائعه
وبتمنى يكون لينا خطوه إيجابيه ونعمل حاجه ترجع لينا أسمنا وترفعو من جديد
منكنش بنتكلم وبس وأنا بصراحه ضد أننا نشتم الشعب الجزائري ويضيع حقنا بالكلام الغلط
ومهم كان كل الي غلطو فينا أكيد هيجي اليوم الي يتعاقبو فيه
مستحيل هبارك لهم على فوزهم لأنهم ميستهلوش
وأكتر جمله أتقالت وكانت صح جداً في الفتره دي
وعسى ان تكوهوا شى وهو خير لكم
أنت قلت أن الي حصل ده خلانا نرجع ونقول بحبك يا مصر
تسلملي يا مونجي...

[ندعوك للتسجيل في المنتدى أو التعريف بنفسك لمعاينة هذا الرابط]

مصر كبيره بولدها الي زيك والي يكتبو كلام انتا وانا عوزين نقولو
بحيك على كلامك

مشكوووووووووووووووورين ياجماعة علي ردودكم الغالية اوى دى وهناك تعليق وايضاح علشان كل واحد ياخد حقه مش انا اللى كتبت الموضوع انا اتبعت لي من جروب ع الفيس بوك لشخص مش عارف اسمه بس عاجبنى مووووووووت وحسيت انه طالع من قلب كل مصرى بيحب البلد دى .
لكن فى النهاية احب اقولك يا 2ss ان مصر كبيرة فعلا بولادها اللي زيى انا وانت وميلوو وكل اللي في المنتدى وكل مصرى عايش علي ارض البلد دى انا بحييك اوى يا2ss علي الكلام الجامد ده.

الله عليك والله العظيم يا مونجى انت واد جامد بجد الكلام المكتوب ده طالع من كل قلب مصرى و بجد كلامك راااااااائع و كلمه رائع والله العظيم قليله عليه اوى و معلش لو مقدرتش اشكرك الشكر الكافى على الكلمات الروعه دى لأن بجد تستحق كل الشكر والتقدير و بجد كل واحد بيحب البلد دى لازم يحس الاحساس الجميل ده ........