7 عيوب للبنات....لو في حد شايف عيوب تانيه يضيفها !!!!!!!!!!

البنات البنات.. قطاقيط ايه ..........مش عارف(دا مش كلامي دا كلام سعاد حسني)ههههههههههه
المهم موضوعنا النهارده عن سبعه عيوب للبنات...
1-النكد(يعشقوه زي عنيهم)
تشوف البنت من دول بتتفرج علي فلم رومانسي وهاتك يا عيات.ليه مش عارف.وياسلام لو المعلم حبيبها اداها ميعاد وفرقعها..ليلته سوده ومشتشفيات ومكروكوم..

2-الاسراف(يا معلم)
ياسلام لو الزبونه شافت ابوها جاي من الشغل وخد المرتب وهاتك ياطلبات اشي شنطه وفستان ووووو(اللهم ارزقنا)
:
3-الغيره
طبعا مهي هتبقي نكديه ازاي لو مغرتشي بسب وبدون سبب..يا رب احفظنا

4-العند
وطبعا لما تكون بتغير علي الفاضي لازم تعند علشان تحس انها مش غلطانه وتلاقيه يا عيني ما بيشفش ونظره تعبان وتقوله انك كنت بتبص علي وحده تانيه..اههههه

5-الرخامه
تلاقيه يا عيني عاوز يتفرج علي الماتش وهي تقوله لا انا عاوزه اتفرج علي الفلم(طبعا مش بيحبوا النكد)

6-المسكنه
تلاقيها بعد كل ده قاعده بريئه وملهاش دعوه باي حاجه....مش بقولكوا بريئه
اخر حاجه بقي هي انها اصيله..ودي طبعا مش هقدر مقلهاش..لانها هي دي الحقيقه وكان لازم اقولها..يعني لما جوزها يموت تصرخ وتقول دا كان معفن وعمره مخدني كنتاكي ومكدونلذ....يا خرابي عليكوا

..................واي خدمه...............

اولا دول ست عيوب بس وده من اولها يعنى من اول الموضوع غلط او كذب زى بقيت الموضوع ده من رأى
ثانيا بالنسبه لاول عيب وهو النكد انت من رأيك انها نكديه عشان شافت فيلم رومانسى مئثر وعيطت بس للاسف ده مش عيب لانها ميزه ان الاحساس عندها زياده غير ناس تانيه ولا بتتأثر واظن يا سيدى الفاضل ان الاحساس تعمه ولا ايه........
وبالنسبه للعيب التانى الاسراف مش معنى انها طلبت من باباها او جوزها حاجه يبقى هى مسرفه واللى يحسبها كده يبقى راجل بخيل وبالعكس دى حاجه كويسه ليه هو ان مراته او بنته تهتم بنفسها ولو ما عملتش كده تقولو مهمله ف نفسها (سبحان الله تناقد تام)...ما علينا
نيجى ع العيب التالت وان الغيره ..اذا كان الراجل بيغير على مراته هى مش هتغير عليه وهى قاعده ف البيت وهو اللى بيخرج يبقى مين يغير ع التانى اكتر ولو بطلنا غيره تقولو بطلتو تحبونا ..امركم عجيب
اما العيب الرابع (العند)ده بيبقى طبع ودى مسأله نسبيه مش بالضروره ف كل البنات زى ما هى مش موجوده ف كل الرجال
والعيب القبل الاخير الرخامه زى العند نسبيه من واحده للتانيه زى الراجل تمام وبعدان يا جماعه لو شايفها رخمه اتجوزها ليه ولو بعدت يوم يشتاق لرخامتها لان القط مش بيحب غير خناقه
واخييييرا العيب الاخير المسكنه ...لو هو كان كويس معاها هتبكى عليه طول عمره ولو غير كده كانو اكيد انفصلو...
بصراحه دول ما طلعوش عيوب دول طلعو ميزات انصحك تعمل تعديل لعنوان الموضوع وتقول (6)مزايا للبنات ..
وترقبو حلقات عديده حتى اصف فيها عيوب الرجال لان لن يكفى ان احدد رقم محدد وذلك كنايه عن كثره العيوب ...........................

ههههههههههه
ههههههههههه
الله عليك
والحاجه السابعه
بيسألو في اللي ملهومش فيه

طيب ابدا ادافع عن نفسي بقي وهيكون بنفس طريقه الهجوم عليا!!!!!!!

اولا : لو قريتي الموضوع للاخر هتعرفي ان في عيب سابع مش مرقم وهو الاصاله بس معكوسه(........)

وانتي عارفه معناها ايه وعارفه موجوده في كام ست . اعتقد في كل الستات مش كده ولا ايه

اولا دموع المرأه في فيلم مش بيبقي احساس ولا حاجه ده في الافلام بس اللي انتي بتشوفيها

دموع المرأه بتكون عشان حبيبها عايزه تعرفه هي اد ايه رقيقه !!!!!!ولا انا غلطان

غير كده مفيش بنات بتبكي علي وشكرا علي سيدي الفاضل دي

انتوا يابنات مش بتحسوا ان انتوا مسرفين ومعتقدين ان الرجال بخلاء ده بيوضح الفرق بين الراجل
والست في وزن الامور واكيد انتي عارفه كده بس بتكابري

الغيره ليها حدود ماشي بس مش تكون الست قاعده في البيت ووقت ما يدخل الراجل تعيش عليه
دور ظابط المباحث كنت فين بتعمل ايه وليه والبارفان ده منين زي مايكون مفيش كلام حلو يتقال
وتقولوا عليها غيره دي بقي اسمها غاااره مش غيره (الغااره دي في الحروب)

اما العند بيجي من اعتقاد المرأه وتأكدها ان الرجل احس منها بكتييييييير فبتحاول تظهر نفسها
ويكون ده بالعند وادعاء المعرفه وغيرو من الاساليب النسائيه

الرخامه ياعيني بتحاول ترخم علي جوزها وتبذل اقصي جهد وتطلع في الاخر هي اللي خسرانه
مش بتقدر تعمل معاه اي حاجه لانه عارف ااخرها ايه!!!!!

المسكنه دي بقي معموله عشان الحريم اصلا لما يكونوا عايزين اي حاجه قابل استعطاف ومسكنه
وغييييييرو وان خدت المراد شوف بقي الوش الخشب منها

اما الاصاله(معكوسه) فهما زي القطط تاكل وتنكر !!!!!!!

واخيرا وليس آخرا : انا كنت ناوي اقول شويه من محاسن المرأه في موضوع بس انتي اعلنتي الحرب

وانت كده اصلي قابلي بقي احلي كلا م عن الحريم وسنعرف (بكره تقولو يارب نكون رجاله)

وشكرا علي سيدي الفاضل دي ......وكفايه عشان طولت عليكم

.....واي خدمه.........

عمرى ما ااتمنى ف حياتى انى اكون راجل وانا اكيد سعيده لانى امرأه ودايما فى دعاء بعترف بيه اللهم لا اعتراض ...
وبعدان لا حرب ولا حاجه انت اللى واخد الموضوع صعب اوى على كرامت الرجال وارجع واقولك يا سيدى الفاضل وهى مجرد نصيحه كفايه افلام ابيض واسود وخاصتا افلام مارى منيب لانك بتتكلم كلام كتير عن المرأه وانت ما تعرفش غير اللى تقريبا بتشوفه ف الافلام واذا كانت عقده المرأه من تجارب شخصيه فليس من الضرورى ان كل النساء هكذا والبنت مش محتاجه انها تحسس اللى قدامها انها رقيقه لان ده فعلا من طباع البنات الرقه اما كلامك عن الغيره وغيره فده مالهوش اساس من الصحه والله انا متأكده انها حاجه بتسعد الراجل غيره مراته عليه بس مش الغيره المرض يعنى وزى ما فى ف النساء كده ففى برده ف الرجال اكتر من كده ووالله مش كل البنات زى الافلام اللى اديتكم الفكره دى ...
وبرده انا على اتم استعدا لاى حرب وعمرى ما هتمنى ان اكون راجل وانا عند كلمتى ..

هههههههههههههههههههههههههههههههههههههههههههههههههه
بجد قشطة عليك يامحمد باشا
عندك حق فى كل كلمة انت قولتها
وربنا معاك فى الحرب الجامدة دى
وكلنا وراك ياريس
وكل احباء انيس منصور معانا

اختلفتم على المرأة ونسيتم الرجل فلولا وجود الرجال لما وجدت النساء من تنكد علية فالرجل دور فعال فى اكساب النساء تلك الخاصية
الخاصية الثانية وقد اكتسبتها من امها وهى وصية تعمل بها ( قصقصى طيرك حتى لا يلوف بغيرك ) فتعمدت الاسراف
الخاصية الثالثة الغيرة : فلولا الغيرة لما اشتعل الحب فالغيرة كزفيرالهواء الذى ينفخ النار ليشتعل ولكن النساء تنفخ بشدة لذلك تجد غيريتها ذائدة
الخاصية الرابعة واخالفكم الرأى فى هذا فالعند من طبع الرجال نهارا وطبع النساء مساءأ
الخاصيه الخامسة الرخامة انت ليه اخذت موضوع التليفزيون رخامة وعلى كلا خليك ارخم منها واطفى التليفزيون
الخاصية السادسة المسكنه ودى طبعا لما تلاقيها فيها خاف منها دى تبقى بداية الاكياس والشنط والسواطير
وربما كانت تلك العيوب ميزات اذا ما عرف الرجل استغلالها

يا سلام علي الردود هو ده الرد الاصلي

وعلي فكره انا في الموضوع ده كنت بكتب موضوع خفيف

في عيوب ممكن تكون موجوده في الرجاله بس هي ظاهره اكتر

في النساء في ناس خدت الكلام عليهم وردوا ردود مش اد كده فده كان لازم

يكون فيه جدل ومناقشه بس كفايه كده عشان منوصلش لدرجه المهاترات

والف شكر للعضو teto علي الرأي الجامد ده

..............واي خدمه................

والله لقد عجز كلامى امام هذا الرد الحكيم حقا لو كل الرجال لهم مثل هذا التفكير لاصبحت كل النساء اشبه بالملاك ولم يعد هناك خلافات ولاكن للاسف لا يعرفون ان يتعاملو مع المرأه