بلد بتاعة مناظر صحيح... ويهنى سعيد بسعيده...

إيه أغرب حاجة ممكن تشد البنت للولد؟ في حاجات غريبة فعلا البنات بتشوفها في الولد، ساعات – كتير- هو مش بياخد باله منها، لكنها موجودة، سبحان الله!!

مثلا، في بنت تنجذب لولد، عشان بيشرب سجاير! أنا شخصيا أستغربت لما صادفني موقف زي ده، لكن لو بصيتوا للموضوع بعين فاحصة، هتلاقوا أن البنت دي بتحب الحرية، حرية مدخنة، لكنها حرية، و السجاير- رغم إنها خطر – بتعبر عن الحرية، و الشاب اللي بيشرب سجاير في نظرها شاب حر، سيد قراره – رغم أن قراره برضه خطر – لكن ارجع و أقول أن بنت زي دي مش هايفة، دي أعجبت بفكرة حلوة و هي الحرية، في شكل السجاير اللي بيشربها الولد...

موقف تاني غريب، أنك تلاقي بنت، سابت الشاب بكل ما فيه و بصت على رجله، لابس لها أيه، في بنات بتحب الشاب الماركة، لابس Addidas, Nike أو حتى Active... وبنات بنحب الكوتشي أو الشوز اللي style و سيبك من الماركة، و فيه بنات تحب قوي الشباشب و الصنادل، و دول بنات بتوع مناظر، و نصيحة مني، بلاش يفكروا في الحاجات دي كتير عشان بتقلب إدمان في الأخر...

دقن الشاب عامل مهم و خطير، ممكن تلاقي بنت معجبة بواحد، و بنت كل قصة الحب ما بنهم على أساس سكسوكته الرهيبة، أو دقنه الطويلة، أو الدوجلاس الفظيع، أو حتى دقنه اللي مش موجودة أساسا، و دول برضه بنات بتوع مناظر، تحب تمشي جنب الواد بتاعها و الناس تشاور عليها و تقول " شفت البت بتاعت الواد أبو دقن غريبة اللي مبلط في الخط!"

و تكملة على موضوع اللبس و الإكسسوار، ففيه شباب بتلبس T-Shirts مكتوب عليها ألفاظ جارحة، أو رسومات خارجة، و أكيد اغلبنا لاحظها، أو حزام من بتوع 50 cent و أمثاله، عبارة عن توكة و طلعلها حزام، و التوكة مرسوم عليها جمجمة، أو حاجة غريبة – ممكن صورته شخصيا – ناهيك عن السلاسل و الحظاظات و الخواتم و الكابات.... الخ!

ولكن؛ لسه في مكان في عالم غلبت عليه المناظر لبنات، بتحب الولد مش عشان دقنه أو حزامه، إنما عشان روحه و شخصيته، و هو المطلوب إثباته، و في النهاية أحب أقول إن الحب ده عمره ما كان أساسه الشكل، هو عامل مهم، بس مايكونش أساس... [/center]

الله عليك انت اكيد مجرب اصلي ياهشام بس الموضوع ده مكانه الافضل هو ادم وحواء.