" بسم الله الرحمن الرحيم "
كل واحد فينا دخل الجامعه (منا الي خلص ومنا الي زي حالاتي) واكيد شاف
حلقات الغرام الي بتتعقد في الجامعه تلاقي الواد واكل دماغ البت يعيني
وعاملي فيها سي روميو ويقولها انتي حبي الوحيد احنا الاتنين مخلوقين لبعض
احنا مينفعش غير لبعض (ياعم انت هاتمثل) ويقولها انا حبيتك علشان قلبك
الطيب (ناقص يقولها قلبك قلب خصايه)
انا عاوز افهم ليه الناس مابتبنش علي حقيقتها احسن ماتكون متخفيه خلف
المظاهر ليه منظهرش علي حقيقتنا؟! مش معني كده انك تروح تشحت لا اهتم
بنفسك وكل حاجه مش عيب ان الانسان يهتم بنفسه بل بالعكس ، بس يلبس لبس
يليق بيه ويجمله مش شرط يكون استايل ،
في ناس بيليق عليها الاستايل وناس لأ، وكمان لازم برضو تكون انسان مثقف
وعاقل وحكيم ، لأن الناس مش هاتحبك علشان مظهرك الناس هاتحبك لما تكون
عطوف ورحيم ورجل بمعني الكلمه ، تعالو نشوف الموقف ده جميل جدا:
قالت بنت سيدنا شعيب عن سيدنا موسي :
قال تعالي :
{ يا أبت استأجره ان خير من استأجرت القوي الامين } يبقي القوه في حاجتين
القوه "لما وجدت سيدنا موسي يزيح حجر ضخم" والامانه "جعل سيدنا موسي بنت
سيدنا شعيب تمشي خلفه عندما دعته لأباها"
يبقي من اهم مواصفات الرجوله عباره عن :
القوه والامانه.
{القوه} :
في تحمل الصعاب ومشاكل الحياه و الدفاع عن اختك في كل مكان ، اعتبر ان كل
البنات اخواتك ،وانك تعوض المرأه عن ضعفها لأنها محتاجه راجل يحميها ويخاف
عليها
و{الأمانه} :
انك تصون المرأه وتحطها في عينك من جوه و تشيلها علي راسك من فوق لان المرأه شأنها عظيم وقدرها العالي .
****************
وبعدين ازاي هتنشأ علاقه ممكن تتطور لجواز واحنا مش صريحين مع بعض فين بقي الأمانه
وانهي حديثي بهذه الكلمات
ثلاث احداث في حياتنا : " نولد "
و " نعيش "
و " نموت "
و نحن لا نشعر بالميلاد و نخاف من الموت و ننسي ان نعيش
موضوع: الرجوله،،،،،،،،،،؟ 
الخميس ديسمبر 04, 2008 9:00 am
